Թաիլանդի իշխանությունները նոյեմբերի սկզբից արգելք կդնեն զբոսաշրջիկների սիրված լողափերին ծխելու վրա։ Այս մասին հայտնում է The Nation–ը։
Հաղորդվում է, որ արգելքը վերաբերելու է 20 առավել հայտնի լողափերին։ Մասնավորապես, ծխելն արգելվելու է Փքուհեթ կղզու Փաթոնգում, Ջամթիենում եւ Ռայոնգի նահանգի Մե Փիմ լողափին։
Օրենքի խախտման դեպքում զբոսաշրջիկներն ավելի քան 3 հազար դոլար տուգանք կվճարեն կամ նրանց մեկ տարվա բանտարկություն կարող է սպառնալ։