Քիչ առաջ ավարտվեց ԵԽԽՎ սոցիալական հարցերի հանձնաժողովի նիստը, որտեղ եվրոպացի մեր գործընկերների աջակցությամբ ու անմիջական ներգրավվածությամբ հաջողվեց ադրբեջանցի զեկուցողի զեկույցի նախագծում առկա անցանկալի հակահայկական ձևակերպումները փոխել: Այս մասին նշել է ԵԽԽՎ-ում հայկական պատվիրակության ղեկավար Արփինե Հովհաննիսյանը:
Նշենք, որ ԵԽԽՎ-ում նոր նախագահ են ընտրում: Նախօրեին ԵԽԽՎ նախագահի պաշտոնին հավակնող թեկնածուներից ոչ մեկը ձայների բացարձակ մեծամասնություն չի ստացել հոկտեմբերի 9-ին քվեարկության երկրորդ փուլի ընթացքում։
ԵԽԽՎ ղեկավարը կընտրվի քվեարկության երրորդ փուլի ժամանակ, որը ծրագրված է այսօր՝ հոկտեմբերի 10-ին։ Այդ պաշտոնին հավակնող թեկնածուներն են Ստելա Կիրիակիդեսը (Կիպրոս) ու Էմանուել Զինգերիսը (Լիտվա)։ Հիշեցնենք, որ ԵԽԽՎ նախորդ նախագահ Պեդրո Ագրամունտն անցած շաբաթ հրաժարական էր տվել։