Երեւանում նախօրեին կենդանիների նկատմամբ դաժան վերաբերմունքի հերթական սարսափելի դեպքն է գրանցվել։ Մայրաքաղաքի թաղամասերից մեկի բնակիչը «զվարճանում է» անտուն կատուների վրա կրակելով։
Կենդանիների իրավունքների պաշտպաններն ահազանգ էին ստացել արնահոսող վիրավոր կատվի մասին։ Կատվին վիրահատել են, սակայն դեռեւս պարզ չէ՝ նա կարող է քայլել, թե ոչ, քանի որ գնդակը վնասել է նրա ողնաշարը։
Սարսափելի միջադեպը տեղի է ունեցել Պարոնյան փողոցում։ «Ականատեսների խոսքով՝ ինչ–որ ձայն է հնչել, եւ կատուն տանիքից վայր է ընկել։ Հարեւանությամբ տղամարդ է ապրում, որը աղավնիներ է պահում»,– նշել են կենդանիների իրավապաշտպանները՝ ենթադրելով, որ տղամարդը կարող էր փորձել սպանել կատվին՝ կարծելով, որ նա վտանգ է ներկայացնում աղավնիների համար։
Հիշեցնենք, որ վարչական օրենսգրքի համաձայն՝ կենդանիների նկատմամբ դաժան վերաբերմունքի համար տուգանք է նախատեսվում։ Զենքի, այդ թվում՝ օդամղիչ ատրճանակի անօրինական պահումը, որով կրակել էին կատվի վրա, ավելի խիստ պատիժ է սահմանված։ Եթե զենքի տերը օրինական հիմունքներով է պահում զենքը, հարց է առաջանում նրա ադեկվատ լինելու մասին։ Այսօր կատուներն են, վաղը կարող են հարեւանի երեխաները լինել։
