ՄԱԿ Անվտանգության խորհուրդը հավանություն է տվել Լիբիայի ճգնաժամի կարգավորման ծրագրին, որը երկու տարվա վաղեմության համաձայնագրի վերանայում է նախատեսում: Համաձայնագիրը պատերազմող կողմերին հաշտեցնելու ջանքերի համար հիմք է հանդիսանում, հաղորդում է ՏԱՍՍ-ը:
Անվտանգության խորհրդի անդամներիը առավոտյան ընդունած հայտարարությունում ընդգծել են, որ Լիբիայի ճգնաժամը չի կարող ռազմական լուծում ունենալ, եւ կոչ են արել բոլոր կողմերին բռնության ցանկացած գործողությունից զերծ մնալ կամ գործողություններից, որոնք կարող են ձախողել խաղաղ գործընթացը:
ՄԱԿ Անվտանգության խորհուրդը հավանություն է տվել «Միավորված ազգերի Գործողությունների ծրագրին, որը կոչված է վերակգնելու ՄԱԿ գլխավորությամբ Լիբիայի կողմից իրականացվող համընդհանուր քաղաքական գործընթացը»:
