Ադրբեջանում մի խումբ ահաբեկիչներ, որոնք Պետական անվտանգության ծառայության հատուկ ուժերի կողմից այս տարվա հունվարի 31-ին վնասազերծվել էին, պատրաստվում էին հարձակում գործել Միլի Մեջլիսի եւ պատգամավորների մասսայական սպանություն իրականացնել: ՊԱԾ գործողության ընթացքում 4 ահաբեկիչ սպանվել է, մեկը՝ ձերբակալել:
Ըստ Haqqin.az-ի, այս սենսացիոն տեղեկությունը պարունակվում է միակ ողջ մնացած ահաբեկչի՝ 28-ամյա Ֆարիդ Սադիխովի քրեական գործի նյութերում:
Արմատական խմբավորման անդամները ահաբեկչական հարձակումներից հետո պլանավորում էին թաքնվել Գուսարի շրջանի անտառներում: Գողացված թանկարժեք իրերը նրանք պետք էին պահեին Բաքվում, իսկ զենքն ու ռազմամթերքը անտառ տանեին:
Ահաբեկիչների առաջին թիրախը պետք է դառնար Գուսարի շրջանի ոստիկանության բաժինը: Միեւնույն ժամանակ նախատեսվում էր հարձակվել մեկ գործարարի տան եւ առեւտրի կենտրոնի վրա: Խմբի անդամները առաջարկել են հարձակվել հարուստ քաղաքացիների, զինվորական մասերի , ահաբեկչական գործողություններ կազմակերպել Պետական անվտանգության ծառայության եւ ՆԳՆ ակադեմիայում: Ահաբեկիչների հիմնական թիրախները պետք է լինեին պետական հաստատությունները: Դատարանը Ֆարիդ Սադիխովին 11 տարի ազատազրկման է դատապարտել: