ՀՀ կենտրոնական բանկի նախագահ Արթուր Ջավադյանն աշխատանքային այցով մեկնել է Վաշինգտոն, որտեղ մասնակցելու է Արժույթի Միջազգային Հիմնադրամի եւ Համաշխարհային Բանկի կառավարիչների խորհուրդների 2017թ. տարեկան հանդիպումներին:
ԿԲ-ից NEWS.am-ին հայտնում են, որ ԿԲ նախագահը հանդիպումներ է ունենալու ԱՄՀ եւ ՀԲ՝ Բելգիայի եւ Նիդերլանդների կողմից գլխավորած ենթախմբի երկրների ԿԲ-ների կառավարիչների եւ Միջազգային Ֆինանսական կառույցների ներկայացուցիչների հետ:
Հանդիպումներ են նախատեսված ՀԲ փոխնագահ Սիրիլ Մյուլլերի եւ ՀԲ գործադիր տնօրեն Ֆրենկ Հեմսկերկի, ՎԶԵԲ փոխնախագահ Ալան Պիլուի, նաեւ ԱՄՀ գործադիր տնօրեն Էնթոնի դը Լաննոյի եւ ԱՄՀ-ի Մերձավոր Արեւելքի եւ Կենտրոնական Ասիայի մասով տնօրեն Ջիհադ Ազուրի հետ:
Միջոցառումների շրջանակում նախատեսված են մի շարք աշխատանքային քննարկումներ՝ տարածաշրջանային տնտեսական զարգացումների, միջազգային ֆինանսական շուկայի արդի վերլուծությունների շուրջ: