Հայաստանում ծրագրերի իրականացման համար հաջորդ տարի USAID-ն 17 մլն դոլար կստանա: Այս մասին հոկտեմբերի 12-ին Հայաստանում USAID-ի 25-ամյակի առթիվ կազմակերպված երեկոյին լրագրողներին ասել է Հայաստանում USAID առաքելության ղեկավար Դեբորա Գրիզերը:
Այս միջոցները կօգտագործվեն զբոսաշրջության, էներգետիկայի, քաղաքացիական հասարակության աջակցության եւ այլ նախագծերի համար:
Առաջիկայում Գրիզերը եւ Հայաստանում ԱՄՆ դեսպան Ռիչարդ Միլսը պատրաստվում են հանդիպել ՀՀ վարչապետ Կարեն Կարապետյանի հետ եւ քննարկել կոռուպցիայի դեմ պայքարի հետագա քայլերը: «Մենք չենք ձգտում այս գործում առաջին տեղում լինել, բայց մենք պատրաստ ենք աջակցել Հայաստանի կառավարությանը», - ասել է նա:
