Պետական միգրացիոն ծառայությունը հրաժարվում է ինձ լրացուցիչ պաշտպանություն տրամադրել Ուկրաինայում։ Այս մասին Կիեւում մամուլի ասուլիսի ժամանակ ասել է Վրաստանի նախկին նախագահ, Օդեսայի նախկին նահանգապետ Միխայիլ Սահակաշվիլին։
«Նրանք չեն արձագանքում։ Բոլոր ժամկետներն անցել են»,- ասել է Սահակաշվիլին։
Նաեւ նա հիշեցրել է, որ պատրաստում է հայց՝ Ուկրաինայի քաղաքացիությունը վերականգնելու համար։
Հոկտեմբերի 3-ին Սահակաշվիլիի փաստաբանը հայտնել է, որ հարցում է ներկայացրել, որպեսզի Սահակաշվիլիին Ուկրաինայում լրացուցիչ պաշտպանության կարիք ունեցող անձի կարգավիճակ տրամադրեն՝ այսինքն քաղաքական ապաստան։ Հայտը ներկայացվել է սեպտեմբերի 11-ին, երբ Սահակաշվիլին Ուկրաինա է ժամանել։
Նշենք, որ եթե Սահակաշվիլին Ուկրաինայում քաղաքական ապաստան ստանա, նրա արտահանձնումը Վրաստան անհնար կդառնա։