Իրաքի իշխանությունները պահանջում են, որ քրդական փեշմերգա զինված միավորումները 48 ժամ ընթացքում լքեն վիճելի նահանգ Քիրքուքը եւ տարածք ազատեն Իրաքի բանակի համար: Այս մասին հաղորդել է քրդական ուժերի հրամանատարության ներկայացուցիչը, հաղորդում է «Ռիա Նովոստին»:
Փեշմերգա զորքերն իրենց հերթին հեռացել են Բաշիր եւ Թազիե գյուղերից, բայց մարտավարական նկատառումներով ավելի ամուր դիրքեր են գրավել:
Նախօրեին Իրաքի Քուրդիստանի նախագահի խորհրդական Խեմին Խավրամին Twitter- ում գրել էր, որ «Շիա Խաշդ ալ Շաաբ աշխարհազորայինները Քիրքուքի հարավային թաղամասում Բաշիր եւ Թազիե գյուղերի մոտ ծանր սապառազինություն են տեղակայել եւ պատրաստվում են փեշմերգայի զորքերի վրա հարձակվել»: