Շորթում կատարելու մեջ մեղադրվող anallitik.am կայքի տնօրե Անի Հովհաննիսյանի շահերի պաշտպան Լիպարիտ Սիմոնյանը գտնում է, որ մեղադրողն անհիմն է պահանջում իր պաշտպանյալին մեղավոր ճանաչել նաեւ ՎՏԲ Հայաստան բանկ ՓԲԸ-ից շորթում կատարելու դրվագով:
Նրա խոսքով, ՎՏԲ Հայաստան բանկ ՓԲԸ դրվագի հետ կապված, Անի Հովհաննիսյանին որպես մեղադրյալ ներգրավելու մասին որոշման մեջ նկարագրված չեն այն գործողությունները, որոնք կբնորոշեին շորթման հանցակազմի օբյեկտիվ կողմը: Այսինքն, Անի Հովհաննիսյանին մեղսարգված չէ արարք եւ որոշման մեջ նկարագրված չէ փաստական հանգամանք, որ Անի Հովհաննիսյանի կողմից ՎՏԲ Հայաստան բանկ ՓԲԸ որեւէ աշխատակցի՝ պաշտոնյայի հետ որեւէ զրույց ունենալու, նրանց որեւէ պահանջ ներկայացնելու եւ այդ պահանջը պառնալիքով զուգորդված ներկայացնելու մասին: Այսինքն, որպես մեղադրյալ ներգրավելու մասին որոշման բովանդակությունից ակնհայտ է, որ դրանում բացակայում է Անի Հովհաննիսյանի կողմից մեղսագրված արարքի օբյեկտիվ կողմի կատարումը, հետեւապես նրա գործողություններում բացակայում է շորթման հանցակազմը:
Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանն Անի Հովհաննիսյանին հուլիսի 25-ին մեղավոր էր ճանաչել միայն Տիգրան Ուրիխանյանի եւ նրա կնոջ մասին արատավորող տեղեկություններ չտարածելու դիմաց գումար շորթելու մասով եւ դատապարտվել մեկ ու կես տարվա ազատազրկման եւ անմեղ` «ՎՏԲ Հայաստան բանկ» ՓԲ ընկերության օրինական շահերին էական վնաս պատճառող տեղեկություններ հրապարակելով եւ նման տեղեկություններ հրապարակելու սպառնալիքով հիշյալ ընկերությունից գումար շորթելու դրվագով:
Հիշեցնենք, որ մեղադրողը Անի Հովհաննիսյանի համար 3.5 տարվա ազատազրկում էր պահանջել:
Ըստ մեղադրական եզրակացության` Անի Հովհաննիսյանը շորթում կատարելու ուղղակի դիտավորությամբ «Analitik.am» լրատվական կայքի գովազդի գծով պատասխանատու Ինգա Կիրակոսյանին օգտագործելու միջոցով, որը հանցանքը կատարել է անզգուշությամբ, կատարել է խոշոր չափերով շորթում` «ՎՏԲ Հայաստան բանկ» ՓԲ ընկերության օրինական շահերին էական վնաս պատճառող տեղեկություններ հրապարակելով եւ նման տեղեկություններ հրապարակելու սպառնալիքով հիշյալ ընկերությունից մարտի 15-ին պահանջել է 1 մլն դրամ: Բացի դրանից, նա պատգամավոր Տիգրան Ուրիխանյանի եւ նրա կնոջ մասին արատավորող տեղեկություններ: Տիգրան Ուրիխանյանը հանդիպել է Անի Հովհաննիսյանին, որն էլ նշել է, թե համապատասխան վերաբերմունք է անհրաժեշտ նմանատիպ հոդվածների հրապարակումները դադարեցնելու համար: Օրեր անց Անի Հովհաննիսյանը պատգամավորից պահանջել է 300 հազար դրամ, որն օրեր անց նրա աշխատակից Վարդիթեր Գիշյանը ստացել է:
