Ֆիլիպինների պաշտպանության նախարար Դելֆին Լորենզանան հայտարարել է, որ Մարավիում 2 գրոհային է ոչնչացվել, որոնք աջակցում էին «Իսլամական պետություն» ահաբեկչական խմբավորմանը, հայտնում է CNN Philippines-ը:
«Մեր գործողության իրականացումից հետո մենք կարողացել ենք գտնել Իսնիլոն Հափիլոնին եւ Օմար Մաուետեին: Երկուսն էլ սպանված են»,- ասել է նա:
Նրա խոսքով՝ գրոհայինների եւս մեկ առաջնորդ՝ Մահմուդ Ահմադը դեռեւս ազատության մեջ է:
Նշվում է, որ Հափիլոնը «Աբու Սայաֆ» ահաբեկչական կազմակերպության առաջնորդներից մեկն էր, ինչպես նաեւ ներառված էր «ամենահետախուզվող ահաբեկիչների» ՀԴԲ ցուցակում:
