Արցախի նախագահ Բակո Սահակյանն այսօր՝ հոկտեմբերի 16-ին հաստատել է կառավարության որոշում Արցախի Հանրապետության Նախագահի 2017-2020թթ. ծրագիրն ի ղեկավարումն եւ ի կատարումն ընդունելու մասին:
Արցախի նախագահի մամուլի գրասենյակից NEWS.am-ին հայտնում են, որ Արցախի կառավարության անդամներին, պետական մարմինների ղեկավարներին հանձնարարվել է համապատասխան լիազորությունների շրջանակներում ապահովել Արցախի Հանրապետության նախագահի ծրագրից բխող միջոցառումների մշակումն ու կատարումը եւ դրա ընթացքի մասին պարբերաբար հաշվետվություն ներկայացնել հանրապետության նախագահին: