ՄԱԿ իրավապաշտպանները Քենիայի իշխանություններին կոչ են արել վերացնել ցույցերի արգելքը եւ դադարեցնել ցուցարարների հանդեպ ոստիկանության կամայականությունները:
ՄԱԿ իրավապաշտպանները նշում են, որ մինչեւ ցույցերի արգելքը, ոստիկանները դաժանաբար ճնշում էին դրանց անցկացումը: Բացի այդ, շարունակվում է դատավորների եւ քաղաքացիական հասարակության ներկայացուցիչների հանդեպ ահաբեկումները:
ՄԱԿ մարդու իրավուքների տարբեր ասպեկտներով հատուկ զեկուցողների հայտարաության մեջ օրինակներ են բերվում, երբ ոստիկանները արցունքաբեր գազ են կիրառել Նայրոբիում համալսարանի ուսանողների նկատմամբ, ծեծել են նրանց փայտե մահակներով եւ սեռական բռնությամբ սպառնացել, հաղորդում է ՄԱԿ ռադիոն:
Փորձագետները կոչ են արել իշխանություններին մանրակրկիտ հետաքննել բոլոր նման միջադեպերը, բռնությանը եւ անպատժելիության վերջ դնել:
