Վայոց ձորի մարզում, հոկտեմբերի 14-ին, ժամը 22.30-ի սահմաններում, մի քանի քաղաքացիների միջև վիճաբանություն է տեղի ունեցել, որի ընթացքում մասնակիցները մեկն օդ է կրակել:
Այդ օրը Գետափ-Մարտունի ավտոճանապարհին՝ «Սիսական» ռեստորանային համալիրի դիմացի ավտոկայանատեղիում, վիճաբանություն է տեղի ունեցել 36-ամյա Արա Խ.-ի, 37-ամյա Կարեն Հ.-ի, 55-ամյա Հրահատ Օ.-ի, 39-մյա Արմեն Ղ.-ի միջեւ։
Shamshyan.com-ի փոխանցմամբ, վիճաբանությանը այնուհետեւ միացել է 26-ամյա Տիրիթ Հ.-ն, ով վիճաբանության ժամանակ իր մոտ եղած «ՄՑ-21-12» տիպի 12 տրամաչափի 1 փողանի ողորկափող որսորդական հրացանով օդ է կրակել։
Այդ պահին այնտեղ է եղել Ճանապարհային Ոստիկանության տեսուչ 30-ամյա Արմեն Ս.-ն, ով կարողացել է Տիրիթ Հ.-ի ձեռքից խլել հրացանը եւ նրան հեռացնել վիճաբանության վայրից։
Հրացանն առգրավված է եւ նշանակվել է փորձաքննություն։
Աղբյուրի տեղեկություններով՝ կռվի մասնակիցներից Կարեն Հ.-ն աշխատում է Եղեգնաձորի թիվ 2 հիմնական դպրոցում՝ որպես զինղեկ։