Թուրքական ընդդիմադիր Cumhuriyet պարբերականի լրագրող Ջան Դյունդարը Prix Europe–ի կողմից ճանաչվել է Եվրոպայի տարվա լրագրող։
Թուրքական T24.com կայքի փոխանցմամբ՝ Բեռլինում 19 մեդիա ընկերությունները մրցույթում ընտրել են տարվա լավագույն լրագրողին։
Մրցույթում հաղթած Ջան Դյունդարն իր խոսքում հայտարարել է, թե դեռ Թուրքիայում հարյուրավոր լրագրողներ են բանտում գտնվում։ «Պայքարը բոլորինս է, եւ մենք պայքարելու ենք մինչ մեր երկիրն ազատագրենք»,–ասելէ Ջան Դյունդարը։
Նշենք, որ Ջան Դյունդարը ձերբակալվել եւ ամիսներով բանտում էր մնացել Սիրիայի ահաբեկիչներին պետության կողմից զենք ուղարկելու լուրը գրելու համար։