ՌԴ նախագահ Վլադիմիր Պուտինը փորձել է ամրապնդել անգլերենի իր գիտելիքները: Դիմելով երիտասարդության համաշխարհային փառատոնի մասնակիցներին եւ Սոչիի ուսանողներին՝ Պուտինը նշել է, որ ապագան այդ միջոցառման մասնակիցներինն է։ «Future starts here and now future is you»,- ասել է նա եւ բոլոր ներկա գտնվողներին մաղթել «all the best», հաղորդում է «ՌԻԱ Նովոստին»:

Միջոցառման ժամանակ Պուտինը հորդորել է երիտասարդությանը երբեք չմոռանալ իրենց մասնագիտության բարոյական եւ գեղագիտական կողմի մասին: Նա կարծիք է հայտնել, որ մարդու գենետիկական ծրագրավորումը կարող է ատոմային ռումբից ավելի վտանգավոր լինել: