նախընտրելի դարձնելՍաուդյան Արաբիան առաջին երկիրն է, որ քաղաքացիություն է տվել ռոբոտին: Այդպիսի անսովոր քայլը փորձ է ապացուցելու, որ երկիրը արհեստական ինտելեկտի զարգացման եւ բարձր տեխնոլոգիաների կենտրոն է հանդիսանում, գրում է USA.one-ը:
Սոֆյա անվամբ ռոբոտը, որն ստեղծվել է Հոնգկոնգի Hanson Robotics ընկերության ինժեներների կողմից, պաշտոնապես Սաուդյան Արաբիայի քաղաքացիություն է ստացել Future Investment Initiative նախագծի նիստում հարյուրավոր պատվիրակների առջեւ, ինչի մասին ասվում է կառավարության մամուլի հաղորդագրության մեջ:
Ռոբոտը քաղաքավարի շնորհակալություն է հայտնել պաշտոնյաներին իրեն արժանացրած պատվի համար:
Ապա ռոբոտի հետ մամուլի ասուլիս է տեղի ունեցել, որի ընթացքում Սոֆյային տարատեսակ հարցեր են ուղղել: Երբ նրան հարցրել են, թե ինչու այդքան երջանիկ տեսք ունի, ռոբոտը պատասխանել է, որ ինքը միշտ երջանիկ է, երբ շրջապատված է խելացի մարդկանցով, ովքեր նաեւ հարուստ ու ազդեցիկ են:
Սոֆյան նաեւ հայտարարել է, թե հարկ չկա, որ մարդիկ անհանգստանան արհեստական ինտելեկտի ապստամբությունից, որ ցուցադրվում է հոլիվուդյան ֆիլմերում:
Սոցկայքերը չեն կարողացել շրջանցել այս հետաքրքրական նորությունը; Որոշ օգտատերեր զարմացել են այն փաստից, որ պաշտոնյաները տոնում են կնոջ տեսքով ռոբոտի՝ քաղաքացու իրավունքներ ստանալը, միչդեռ իրական քաղաքացիները, չգիտես ինչու, չեն արժանանում այդ պատվին:
Twitter-ի օգտատերերից մեկը հետաքրքրվել է, թե ինչու Սոֆյայի կողքին արական սեռի ընկեր չկա, նա հագնված չէ ու չի թաքցնում դեմքը:
