Փարիզի առեւտրային թաղամասերը սովորաբար լի են չինացի զբոսաշրջիկներով։ Սակայն նրանք եւ օտարերկրյա մյուս հյուրերը գնումները վայելել չեն կարողանում հաճախակի դարձած գողությունների պատճառով, հայտնում է NTDTV–ն։
Վերջերս տեղի ունեցած դեպքն ամենաաղմկահարույցն էր։ Փարիզի մոտակա Ֆրեն քաղաքում երկուշաբթի կողոպտել էին 40 չինացի զբոսաշրջիկների խմբին։ Երբ նրանք հյուրանոցի մոտ դուրս էին գալիս ավտոբուսից, նրանց վրա էին հարձակվել դիմակավոր 4 մարդ եւ արցունքաբեր գազ կիրառել։ Շփոթված մարդկանցից գողացել էին թանկարժեքն գնումներն ու գումարը։ Մինչ ոստիկանության ժամանելը, չարագործները դիմել էին փախուստի։
Չինաստանի ԱԳՆ–ն Ֆրանսիային կոչ էր արել լուծել այդ խնդիրը։ Փարիզի համար դա հատկապես արդիական է, քանի որ չինացի զբոսաշրջիկներն ամենահաճախն են շքեղ իրեր գնում եւ ակտիվորեն օգնում են Ֆրանսիայի զբոսաշրջությանը վերականգնվել ահաբեկչություններից հետո։