Ճապոնիայի վարչապետ Սինձո Աբեն մտադիր է ուժեղացնել համագործակցությունը Չինաստանի հետ Հյուսիսային Կորեայի խնդրի շուրջ: Այդ մասին Ճապոնիայի կառավարության ղեկավարը հայտարարել է Չինաստանի ղեկավար Սի Ցզինպինի հետ բանակցությունների ժամանակ, փոխանցում է ՏԱՍՍ-ը:
«Ես կցանկանայի Կորեայի խնդրի շուրջ առավել խորացնել համագործակցությունը», - նշել է նա: Աբեն նաեւ ընդգծել է, որ հույս է տածում, թե Պեկինը կհամագործակցի ՄԱԿ Անվտանգության խորհրդի՝Փհենյանի նկատմամբ պատժամիջոցներին հետեւելու հարցում:
Կորեական թերակղզու լարվածությունը պահպանվում է Հյուսիսային Կորեայի հրթիռամիջուկային ծրագրի զարգացման, ինչպես նաեւ տարածաշրջանում ԱՄՆ եւ իր համախոհների ռազմական մանեւրների պատճառով:
