ԱՄՆ նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինի հետ շատ լավ հարաբերություններ են ձեւավորվում՝ հաշվի առնելով, որ նախկինում իրենք ծանոթ չեն եղել, փոխանցում է ՏԱՍՍ-ը:
ԱՄՆ առաջնորդի ճեպազրույցի սղագրությունը տարածել է Սպիտակ տան մամուլի ծառայությունը:
«Կարծես թե մենք շատ լավ ենք վերաբերվում միմյանց, մենք լավ հարաբերությունների մեջ ենք՝ հաշվի առնելով, որ միմյանց քիչ ենք ծանոթ: Կարծում եմ, որ շատ լավ հարաբերություններ են», - ասել է Թրամփը լրագրողներին դեպի Հանոյ թռիչքի ընթացքում իր ինքնաթիռում՝ Ասիա-Խաղաղօվկիանոսյան տնտեսական համագործակցության տնտեսությունների առաջնորդների գագաթնաժողովից հետո, որն անցկացվում էր Դանանգում:
