Տաջիկստանում ընթանում է ՀԱՊԿ «Մարտական եղբայրություն 2017» զորավարժությունների եզրափակիչ փուլը։

ՏԱՍՍ–ի փոխանցմամբ՝ ՀԱՊԿ երկրների զորքերը մշակում են Աֆղանստանից ներթափանցած պայմանական ահաբեկիչներին հակազդելու հնարքներ։ Վարժանքներին մասնակցում են «Իսկանդեր Մ» ռուսական հրթիռային համալիրներ, ՀԱՊԿ անդամ երկրների զորքերի ստորաբաժանումներ։

Վարժանքներին մասնակցում է ավելի քան 5 հազար զինծառայող։

Սու-24Մ 6 ռմբակոծիչ թռիչքներ են իրականացրել Շագոլ հարավուրալյան օդանավակայանից, 6 գրոհիչ Սու–25ՍՄ օդանավ էլ՝ Ղրղզստանում ռուսական Կանտ ավիաբազայից։ Մի-8ԱՄՏՇ եւ Մի-24 ուղղաթիռները Նովոսիբիրսկի Տոլմաչեւո ավիաբազայից տեղափոխվել են Դուշանբե։ Ռուսաստանից տեղափոխվել է ընդհանուր առմամբ մոտ 40 միավոր օդային տեխնիկա։