Ստամբուլի օդանավակայանում օրեր առաջ ձերբակալված քրդական «Ժողովուրդների դեմոկրատական» (HDP) կուսակցության պատգամավոր Օսման Բայդեմիրը ազատ է արձակվել։
Թուրքական Demokrathaber կայքի փոխանցմամբ՝ տարիներ առաջ Նովրուզի տոնակատարության ժամանակ արած մի հայտարարության պատճառով դատախազության հրահանգով ոստիկանները ձերբակալել էին Օսման Բայդեմիրին։
Նրան տեղափոխել են Ստամբուլի ծանր հանցագործությունների գործերով 6-րդ դատարան։ Սակայն դատարանը Բայդեմիրին լսելուց հետո ազատ արձակման որոշում է կայացրել։
Նշենք, որ Օսման Բայդեմիրը Դիարբեքիրի քաղաքապետ հանդիսացած տարիներին Ցեղասպանությանը քրդերի մասնակցության համար ներողություն է խնդրել հայերից, վերանորոգել է հայկական Սուրբ Կիրակոս եկեղեցին եւ հայկական մշակույթի տարածման համար քայլեր իրականացրել։
Օսման Բայդեմիրը 2014-ին այցելել է Հայաստան եւ ծաղիկներ դրել Հայոց ցեղասպանության հուշահամալիրում։