Bonhams աճուրդի տան աճուրդում աշխարհի ամենաթանկ ֆրանսիական մեքենաներից մեկն են վաճառել՝ 1914 թվականի Peugeot L45 Grand Prix Two-Seater-ը:
Ինդիանապոլիսում մրցարշավի մասնակցած մեքենան 7 մլն 260 հազար դոլարով են գնել, հաղորդում է Motor-ը:
Աճուրդում մեքենայի նախնական գինը մեկ միլոն դոլար է եղել: Այն պահպանել է իր օրիգինալ թափքը եւ ուժային համակարգը:
Ավտոմեքենան հագեցած է 4,5 լիտր ծավալով չորս մխոցանի շարժիչով, որն ունի 112 ձիաուժ:
Ենթադրվում է, որ դա մեր օրերին հասած 2 L45 մոդելներից մեկն է:
Մեքենան ընդամենը չորս սեփականատեր է ունեցել: