Ազգային ժողովում այսօր՝ նոյեմբերի 14-ին, մեկնարկում է վեցերորդ գումարման երկրորդ նստաշրջանը:
Այսօր գումարվող հերթական նիստերի օրակարգում ներառվել է 30 օրինագիծ: Սպասվում է, որ առաջինը քննարկման կդրվի 2018թ. բյուջեի նախագիծը: Այս օրերին քննարկվելու է նաեւ աղմկահարույց «Զինվորական ծառայության եւ զինծառայողի կարգավիճակի մասին» եւ «Պաշտպանության մասին» ՀՀ օրենքների նախագծերը երկրորդ ընթերցմամբ ընդունելու մասին հարցերը: Հիշեցնենք, որ այս նախագծերով առաջարկվում է վերացնել տարկետումը, ուսանողներն արդեն մի քանի օր է՝ դասադուլ են հայտարարել եւ պահանջում տարկետումը թողնել:
