ԱՄՆ նախագահ Դոնալդ Թրամփի որդի Դոնալդ Թրամփ կրտսերը հաստատել է, որ Twitter-ում նամակագրություն է ունեցել WikiLeaks-ի ներկայացուցիչների հետ եւ մի քանի հաղորդագրություններ հրապարակել է, փոխանցում է «ՌԻԱ Նովոստի»-ն:
«Այստեղ WikiLeaks-ի հետ նամակագրությունից հաղորդագրությունների մի ամբողջ ճյուղ է՝ ներառյալ իմ 3 հսկա պատասխանները, որը Կոնգրեսի կոմիտեներից մեկը որոշել է բացահայտել: Որքան հեգնալից է»,- մակագրել է ԱՄՆ նախագահի որդին եւ կցել նամակագրության սքրինշոթը:
ԱՄՆ նախագահի որդին մասնավորապես հրապարակել է WikiLeaks-ի նամակը քաղաքական հիմնադրամի վերաբերյալ, որը լուրեր է տարածում «Ռուսաստանի հետ Թրամփի կապի մասին», Դեմոկրատական կուսակցությունից առաջադրված Հիլարի Քլինթոնի մեջբերումը մեկնաբանելու կամ տարածելու խնդրանք, որը հայտարարել էր, թե կցանկանար անօդաչուի միջոցով ոչնչացնել կայքի հիմնադիր Ջուլիան Ասանժին, ինչպես նաեւ Թրամփ ավագի հարկային հայտարարագիրը ներկայացնելու պահանջ:
Հաղորդագրություններն ուղարկվել են անցյալ տարվա սեպտեմբերին եւ հոկտեմբերին:
Here is the entire chain of messages with @wikileaks (with my whopping 3 responses) which one of the congressional committees has chosen to selectively leak. How ironic! 1/3 pic.twitter.com/SiwTqWtykA
— Donald Trump Jr. (@DonaldJTrumpJr) 14 ноября 2017 г.