«Նորք» ինֆեկցիոն հիվանդանոցից այսօր՝ նոյեմբերի 14-ին, փախուստի դիմած՝ «Նուբարաշեն» քրեակատարողական հիմնարկի կալանավորված անձ Թելման Ալավերդյանը հայտնաբերվել է: Այս մասին NEWS.am-ի հարցին ի պատասխան հայտնել են ՔԿՎ հանրային կապերի բաժնից:
«ՀՀ ոստիկանության և քրեակատարողական ծառայության աշխատակիցների ձեռնարկած համատեղ օպերատիվ-հետախուզական միջոցառումների արդյունքում Արմավիրի մարզից հայտնաբերվել և բերման է ենթարկվել ‹‹Նորք›› ինֆեկցիոն կլինիկական հիվանդանոցից փախուստի դիմած ‹‹Նուբարաշեն›› քրեակատարողական հիմնարկի կալանավորված անձ Թելման Ալավերդյանը»,- հայտնեցին ՔԿՎ հանրային կապերի բաժնից:
