Greencard–ի խաղարկությամբ ահաբեկչական գործունեության մեջ կասկածվող առնվազն 6 մարդ տեղափոխվել է ԱՄՆ ապրելու, հայտնում է Fox News–ը՝ վկայակոչելով ԱՄՆ նախագահի աշխատակազմին։

Դրանցից մեկը Սայֆուլլո Սաիպովն է, որին  մեղադրում են Նյու Յորքում Հելոուինի օրը ահաբեկչություն կազմակերպելու մեջ, որի հետեւանքով զոհվել էր 4, վիրավորվել՝ ավելի քան 10 մարդ։ Ուզբեկ ներգաղթյալը ԱՄՆ էր եկել 2010 թվականին։ Նա քննիչներին խոստովանել է, որ իրեն ոգեշնչել է ԻՊ խմբավորման քարոզչությունը։

Հեռուստաալիքը հայտնում է, որ Greencard–ի վիճակահանությունը ամեն տարի մինչեւ 50 հազար միգրացիոն վիզա է տրամադրում։

Ավելի վաղ ԱՄՆ նախագահ Դոնալդ Թրամփը հայտարարել էր, որ  մտադիր է փակել Greencard–ի խաղարկության միգրացիոն ծրագիրը։ Դրա համար նրան անհրաժեշտ է Կոնգրեսի հավանությունը։