Հնդկաստանի Գոմաթափուրա գյուղում նկարահանել են գոմաղբով ավանդական մենամարտը, հայտնում է Daily Mirror–ը։
Համարվում է, որ այս ավանդույթը ծայր է առել 18-րդ դարի կեսին։ Տեղի բնակիչները տարին մեկ անգամ հավաքվում են գյուղում, որպեսզի իրար վրա գոմաղբ նետեն։ Նրանք հավատում են, որ այդպիսով քավում են նախնիների մեղքերը։
Լեգենդի համաձայն՝ տարիներ առաջ սայլի անիվների տակ էր ընկել սուրբ կուռք։ Դա զայրացրել էր աստվածներին, եւ նրանք անիծել էին գյուղը։ Բնակիչները դատապարտված էին մինչեւ աշխարհի վերջը մենամարտել միմյանց դեմ։ Ավելի ուշ աստվածները ներել էին գյուղացիներին եւ թույլ տվել միայն գոմաղբի միջոցով «վարել մարտը»։