«Գրանդ Հոլդինգի» սեփականատեր, բարերար Միքայել Վարդանյանը շարունակում է աջակցել Տավուշի մարզի համայնքներին: Այս անգամ բարերարը 85մլն 800 հազար դրամ է հատկացրել մարզի Նավուր, Չորաթան, Վարագավան, Մովսես եւ Տավուշ համայնքների խնդիրների լուծման համար: Այդ գումարի հիմնական մասն ուղղվել է գյուղերի ջրագծերի եւ ճանապարհների նորոգմանը: Միքայել Վարդանյանի ֆինանսավորմամբ նորոգվում է նաեւ Տավուշ համայնքի մանկապարտեզի հին մասնաշենքը, իսկ Մովսես գյուղի փողոցներն ամբողջովին լուսավորվել են: