Արմավիրի մարզում, այսօր՝ նոյեմբերի 17-ին, խոշոր ավտովթար է տեղի ունեցել. ժամը 14:00-ի սահմաններում Երեւան-Արմավիր ավտոճանապարհի Էջմիածին քաղաքի մուտքի մոտ բախվել են 25-ամյա Ներսես Ղ.-ի վարած Nissan Teana մակնիշի 96 AM 009 համարանիշի եւ Աշոտ Գ.-ի վարած BMW X5 մակնիշի 03 XX 001 համարանիշի ավտոմեքենաները:
Shamshyan.com-ի փոխանցմամբ, վթարի հետեւանքով BMW-ն դուրս է եկել հանդիպակաց երթեւեկելի գոտի եւ բախվել էլեկտրասյանը:
Վթարի հետեւանքով 2 վարորդներն ու 1 ուղեւոր մարմնական վնասվածքներով տեղափոխվել են Վաղարշապատի բժշկական կենտրոն:
