Նոյեմբերի 18-ին, ժամը 14.00-ին, ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները, գողություն կատարելու կասկածանքով, Ագաթանգեղոսի փողոցի թիվ 6/Ա հասցեի մոտից Կենտրոնականի բաժին բերման են ենթարկել 1970 թ. ծնված Արմեն Ա.-ին:
Ոստիկանության մամուլի ծառայությունից NEWS.am-ին հայտնում են, որ պարզվել է, որ նույն օրը, ժամը 13.20-ին, Արմեն Ա.-ն Աբովյան եւ Իսահակյան փողոցների խաչմերուկի մոտ` թիվ 46 երթուղու ավտոբուսի սրահում, գողացել է ուղեւորուհու դրամապանակը, որի մեջ եղել է 66.000 դրամ:
Գողոնն առգրավվել է:
Ձեռնարկվում են միջոցառումներ ուղեւորուհու անձը պարզելու ուղղությամբ:
Կատարվում է քննություն: