Մեքսիկայում մի քանի բնակելի շենքեր փլուզվել են կառուցվող առեւտրի կենտրոնի փոսի մեջ: Մեկ մարդ զոհվել է, երեքն անհետ կորել, եւս մի քանիսը վնասվածքներ են ստացել, հայտնում է Telemundo-ն:
Պատահարը տեղի է ունեցել Մոնտերեյ քաղաքում: Փլուզված տների թիվը տարբեր է, տեղական լրատվամիջոցները հայտնում են ինչպես 3, այնպես էլ 4 շենքի մասին:
Իժշխանությունները պնդում են, որ այս շենքերից մարդկանց մի քանի շաբաթ առաջ են տարաբնակեցրել, եւ անհասկանալի է, թե ինչու է այնտեղ մարդ եղել: Հեռուսատաալիքի տեղեկություններով՝ հնարավոր է, տուժածները շինարարական ընկերության աշխատակիցներն են:
Դեպքի վայրում շարունակվում է փրկարարական գործողությունը: Իրավապահ մարմինները քննություն են սկսել: