Առնվազն 4 մարդ է զոհվել, եւս 16-ը՝ տուժել Պակիստանի արեւմտյան Քվետա քաղաքում տեղի ունեցած պայթյունի հետեւանքով, հայտնել է Samaa հեռուստաալիքը։ Աղբյուրի տվյալներով՝ պայթյունը որոտացել է նոյեմբերի 25-ին, տուժածներին տեղափոխել են տեղի հիվանդանոց։
Պայթյունի պատճառը դեռ հայտնի չէ։ Ոստիկանության տվյալներով՝ պայթյունի թիրախը եղել է անվտանգության ուժերի փոխադրամիջոցը, որն այդ պահին անցնում էր մոտակայքով։