Ինտեգրումը բազմակողմանի գործընթաց է։ Այս մասին նոյեմբերի 27-ին՝ ԱԺ-ում «Ելք» դաշինքի առաջարկով «Եվրասիական տնտեսական միության մասին պայմանագրից Հայաստանի դուրս գալու գործընթացի մեկնարկի մասին» լսումների ժամանակ, ասաց Միջազգային հարցերի եւ անվտանգության խնդիրների ինստիտուտի ղեկավար Ստեփան Սաֆարյանը։
Նրա խոսքով՝ ԵՏՄ–ում Հայաստանի անարդյունավետ անդամակցությունը չի խոսում որեւէ բազմակողմ ինտեգրման մասին։ «ԵՏՄ–ում Հայաստանի անդամակցությունը պայմանավորված էր բացառապես անվտանգության ապահովման հարցով»,– նշեց Սաֆարյանը՝ հավելելով, որ պետություններն իրենց սուվերեն իրավունքների սահմանափակմանը գնում են միայն անվտանգության երաշխիքների առկայության դեպքում, ինչը Հայաստանի պարագայում տեղի չի ունեցել։