Իսպանիայի Անդալուսիայի շրջանում ուղեւորատար գնացքը դուրս է եկել ռելսերից, որի հետեւանքով տուժել է 4 մարդ, հայտնում է «ՌԻԱ Նովոստի»–ն՝ վկայակոչելով տեղի փրկարար ծառայությանը։
Միջադեպը տեղի է ունեցել չորեքշաբթի առավոտյան անձրեւների հետեւանքով։ Գնացքը Մալագայից ուղեւորվում էր Սեւիլիա։
«Վթարից տուժել է 7 մարդ, նրանցից երեքի վիճակը ծանր է»,– Twitter–ում գրել է Անդալուսիայի Emergencias 112 ծառայության ներկայացուցիչը։
Mundo թերթի փոխանցմամբ՝ տուժածներին առաջին օգնություն են ցուցաբերել տեղի գյուղացիները, մինչեւ կժամանեն փրկարարները։