1992 թվականին ՄԱԿ Գլխավոր վեհաժողովը դեկտեմբերի 3-ը հռչակել է Հաշմանդամների միջազգային օր (International Day of Persons with Disabilities): Օրվա նպատակը հաշմանդամություն ունեցող մարդկանց խնդիրների մասին բնակչության տեղեկացվածության մեծացումն է, նրանց աջակցությունը եւ հասարակական կյանքին ընդգրկելը:
Աշխարհում հաշմանդամություն ունեցող գրեթե 1 մլրդ մարդ է ապրում (դա կազմում է աշխարհի բնակչության մոտ 15 տոկոսը), որոնք բախվում են ֆիզիկական, սոցիալ-տնտեսական եւ վարքագծային խոչընդոտների, ինչը նրանց զրկում է լիարժեք կյանքով ապրելուց եւ հասարակության մյուս անդամների հետ հավասար իրավունքներից: Հաճախ նրանք կրթության, զբաղվածության, առողջապահության եւ սոցիալական ու իրավական աջակցության համակարգին հավասար հասանելիություն չունեն:
