Եթե ԱՄՆ նախագահ Դոնալդ Թրամփը Երուսաղեմն Իսրայելի մայրաքաղաք ճանաչի, դա հեռուն գնացող հետեւանքներ կունենա եւ դժվար թե օգնի պաղեստինա–իսրայելական հակամարտության կարգավորմանը, հայտարարել է ՌԴ փոխարտգործնախարար Սերգեյ Ռյաբկովը, փոխանցում է «ՌԻԱ Նովոստի»–ն։
«Մենք առաջնորդվում ենք նրանով, որ Արեւելյան Երուսաղեմի կարգավիճակն իսրայելա–պաղեստինյան խնդրի համալիր լուծման առանցքային հարցերից է, որի լուծմանը Ռուսաստանը ձգտում է արդեն երկար ժամանակ։ Այդ պատճառով մենք կարծում ենք, որ եթե Սպիտակ տունն արդեն անոնս տվել է, դա կարող է պատահել եւ ունենալ հեռուն գնացող հետեւանքներ, ինչը հակամարտությանը դժվար թե օգնի»,– ասել է Ռյաբկովը։
