ՄԱԿ գլխավոր քարտուղար Անտոնիո Գուտերեշը հայտարարել է, որ երկու պետությունների սկզբունքների հիման վրա իսրայելա-պաղեստինյան հակամարտության լուծմանն այլընտրանք չկա:
Նա նշել է, որ Երուսաղեմի վերջնական կարգավիճակը պետք է որոշվի ուղիղ բանակցությունների միջոցով, հաղորդում է Reuters-ը:
«Ես հետեւողականորեն դեմ եմ արտահայտվել ցանկացած միակողմանի միջոցներին, որոնք կարող են վտանգել իսրայելցիների եւ պաղեստինցիների խաղաղության հեռանկարը», - ասել է Գուտերեշը ԱՄՆ նախագահ Դոնալդ Թրամփի կողմից Երուսաղեմը որպես Իսրայելի մայրաքաղաք ճանաչելուց հետո:
«Երկու պետությունների որոշմանն այլընտրանք չկա, չկա Բ ծրագիր», - լրագրողներին ասել է նա: «Ես ամեն ինչ անելու եմ իմ ուժերի չափով Իսրայելի եւ Պաղեստինի ղեկավարներին բովանդակալից բանակցություններին վերադրձնելու համար»: