Աղբահանության հարցը բազմակողմանի խնդիր է: Այստեղ եւ´ բնակիչները պետք է փորձեն չաղտոտել, եւ´ իրավասու կազմակերպությունները աշխատեն:
Սակայն առաջինները նախընտրում են մեղքը երկրոդ կողմի վրա գցել, իսկ երկրոդ կողմը աշխատում է ըստ անհրաժեշտության:
Մայիսի 9-ի փողոցի օրինակը NEWS.am-ը բազմիցս է ներկայացրել:
Որոշ տների նկուղային հարկերի պատուհանները բաց են եւ հարակից տների շատ բնակչները եւ անցորդները, գործելով մաքրության հանդեպ սեր չունեցող հայտնի չորքոտանու պես, աղբը նետում են նկուղների մեջ:
Առաջին, իսկ հետո եւ երկրոդ հրապարակումից հետո, աղբը մաքրեցին: Խոզերը մնացեին եւ աղբը նորից կուտակվեց, ինչը հարցը նորից բարձրացնելու առիթ դարձավ:
Հատկանշական է, որ աղբի նկուղների ամիջական հարեւանությամբ գտնվում են «Սանիթեքի» աղբարկղերը, բայց ոմանք նախընտրում են խոզավարի աղտոտել, քան մի քանի քայլ անցնել:
Շենքի մաքրության համար պատասխատանու իրավասու կազմակերպությունների դիրքորոշումը նույնպես հարցեր է առաջացնում: Ստացվում է՝ պետք է գրել, վրդովվել, որպեսզի յուրաքանչյուր պատասխանատու օղակ իր աշխատանքը կատարի՝ հավաքարարները մաքրեն աղբը, պաշտոնյաները հետեւեն, որ աղբը մաքրված լինի, իսկ աղտոտողները՝ տուգանվեն:
Կատարվածի վերաբերյալ, իհարկե, կա եւս մեկ, բայց քիչ հավանական բացատրություն:
Միգուցե բնակիչները եւ պաշտոնյաները կարդացել են աղբի բլոկներից «սուշի» պատրաստելու ճապոնական փորձի մասին եւ այդ կերպ ամրացնում են շենքի նկուղը: