Ներկա պահին Հայաստանում ուրանի հաստատված պաշարներ չկան։ Այսօր՝ դեկտեմբերի 21-ին կրկին նման հայտարարություն է արել էներգետիկայի եւ բնական պաշարների նախարար Արմեն Մովսիսյանը։ Նրա խոսքով՝ ներկայումս տարվում են հետազոտական աշխատանքներ հասկանալու համար, թե կա՞ն, արդյոք, մեր երկրում նման պաշարներ, եւ եթե այո՝ ի՞նչ քանակությամբ: Հետազոտության արդյունքները հայտնի կդառնան 2011 թ. վերջում։

Ըստ նախարարի՝ միայն դրանից հետո հնարավոր կլինի պարզել, թե որքանո՞վ արդյունավետ է ուրանի արդյունահանումը։ Այնուհետեւ հարկ կլինի որոշել այն տեխնոլոգիան, որով պետք է իրականացվի ուրանի արդյունահանումը։ Նախարարը խոստացավ, որ բոլոր դեպքերում կընտրվի շրջակա միջավայրին առավել քիչ վնաս հասցնող տեխնոլոգիա։