Երուսաղեմն Իսրայելի մայրաքաղաք ճանաչելու մասին ԱՄՆ որոշման դեմ հանդես եկողները Փարիզում՝ Հանրապետության հրապարակում, բողոքի ակցիա են կազմակերպել, փոխանցում է «ՌԻԱ Նովոստի»-ն։
«Իսրայե՛լ, մարդասպա՛ն»,- վանկարկում են մարդիկ՝ ծածանելով Պաղեստինի դրոշները։ Ցուցարարների ոմանք ի նշան բողոքի, բերել են Ֆրանսիայի նախագահ Էմանուել Մակրոնի եւ Իսրայելի վարչապետ Բենիամին Նեթանյահուի լուսանկարները։ Իսրայելի առաջնորդի լուսանկարի վրա գրված է «ահաբեկիչ», իսկ Ֆրանսիայի նախագահի նկարը «զարդարել» է հանցակից բառը։
Ակնկալվում է, որ Մակրոնը դեկտեմբերի 10-ին Ելիսեյան պալատում կընդունի Նեթանյահուին։
Բողոքի ակցիան հսկում են ոստիկանության հատուկ նշանակության ջոկատները։
