ԱՄՆ Արիզոնայի նահանգի Մեսա քաղաքի ոստիկանությունը հրապարակել է տեսանյութը, որում երեւում է, թե ինչպես է ոստիկանը սպանել անզեն կասկածյալին։ Միջադեպը տեղի էր ունեցել 2016-ի հունվարին, հայտնում է CBS News-ը։

Գործողությունն ընթացել էր հյուրանոցում, որի պատուհանից դուրս էր եկել զինված մի մարդ։ Դեպքի վայր ժամանած ոստիկանները հայտնաբերել էին կասկածյալին եւ նշանառել նրան։ 4 րոպե շարունակ կասկածյալը կատարել էր ոստիկանների հրահանգները՝ խնդրելով չկրակել։ Երբ նա՝ գետնին պառկած, ձեռքը տարել էր գոտկատեղին, ոսստիկաններից մեկը կրակել էր  նրա վրա եւ սպանել։ Դատարանում ոստիկանն ասել էր, որ վստահ էր՝ կասկածյալը ձեռքը գոտկատեղին էր մոտեցրել զենք հանելու համար։

Խուզարկությունից հետո, սակայն, կասկածյալի մոտ զենք չէր հայտնաբերվել։