Դեկտեմբերի 10-ին, ժամը 00:00-ին ահազանգ է ստացվել, որ Երեւան քաղաքի Դավիթաշեն 1-ին թաղամասի թիվ 22 շենքի մոտակայքում տեղի է ունեցել ՃՏՊ. առկա է գազի արտահոսք:

Դեպքի վայր է մեկնել մեկ մարտական հաշվարկ: Պարզվել է, որ բախվել են «Վազ 2114» մակնիշի 01 ZO 045 (վարորդ՝ 1998 թ. ծնված Զ. Հ.) , «Վազ 3110» մակնիշի 05 LO 186 (վարորդ՝ 1975 թ. ծնված Գ. Ս.) եւ «Daewoo Nexia» մակնիշի 31 SS 218 (վարորդ՝ 1993 թ. ծնված Ա. Ի.) պետհամարանիշերով ավտոմեքենաները: 

Փրկարարները հոսանքազրկել են «Վազ 2114», «Daewoo Nexia» մակնիշի ավտոմեքենաները եւ փակել վերջինիս գազի փականը: