ԱՄՆ-ի ՌՕՈՒ-ն Եմենում ոչնչացրել է «Ալ Քաիդա» ահաբեկչական խմբավորման 5 առաջնորդի: Այդ մասին հաղորդում է RT-ը՝ հղում անելով Պենտագոնի մամուլի ծառայությանը:
Daily Mail-ը գրում է, որ Արաբական թերակղզու ուղղությամբ նոյեմբերի 20-ին տրված ամերիկյան ավիահարվածների արդյունքում ոչնչացվել են Ալ Ալդանին, նրա օգնական Աբու ալ Սանանին եւ եւս երեք զինյալ:
Ավելի վաղ հաղորդվել էր, որ ԱՄՆ ֆինանսների նախարարությունը հայտարարել է Եմենի 7 քաղաքացիների եւ մեկ կազմակերպության նկատմամբ պատժամիջոցներ մտցնելու մասին՝ «Իսլամական պետություն» ահաբեկչական խմբավորման եւ «Ալ Քաիդա» բջջի հետ կապ ունենալու համար:
