Սկանդինավիայում 430 գայլերից բաղկացած մեկուսացված պոպուլյացիան շատ ինբրեդային է: Այն առաջացել է մի քանի կենդանիներից, որոնց այդ տարածաշրջան են բերել 1980-1990-ականներին, հաղորդում է «Մոյա պլանետան»:
Շվեդ, նորվեգացի եւ ամերկացի կենսաբանները միավորվել են, որպեսզի այդ պոպուլյացիայում ինբրիդինգի ճշգրիտ աստիճանը պարզեն: Նրանք ուսումնասիրել են 100 գայլերի ԴՆԹ-ն եւ բավական աղետալի պատկեր են հայտնաբերել:
Պոպուլյացիայի սկզբնավորողները Նորվեգիայում հայտնվել են 80-ականների սկզբին: 10 տարի անց նրանց ընտանիքին միացել է ռուս-ֆինննական «ներգաղթյալը»:
Այդ ժամանակ պոպուլյացիան սկսել է ընդլայնվել, իսկ 2000-ականներին Նորվեգիայում եւ Շվեդիայում մոտ 80 հասուն գայլ է արդեն եղել:
Սակայն պոպուլյացիան մեկ առանձնահատկություն ուներ. 26 տարվա ընթացում Նորվեգիա 4-5 նոր օտար գայլեր են եկել: Մյուսները ինբրեդային ճանապարհով են բազմացել:
Սա ազդել է սկանդինավյան պոպուլյացիայի վրա: Նրանց ձագերի մոտ կմախքի եւ ատամների դեֆեկտներ են նկատվում, նրանք հազվադեպ են ապրում, որոշ արուներ ի վիճակի չեն բազմանալու:
