Նախագահ Դոնալդ Թրամփի եւ ԿԺԴՀ առաջնորդ Կիմ Չեն Ընի միջեւ ծայրահեղական հայտարարությունների փոխանակումը չի խոչընդոտի Վաշինգթոնի եւ Փհենյանի միջեւ բովանդակալից երկխոսության հաստատմանը, եթե նման հնարավորություն առաջանա: Այս մասին CNN-ին տված հարցազրույցում ասել է ՄԱԿ գլխավոր քարտուղար Անտոնիո Գուտերեշը, հաղորդում է ՏԱՍՍ-ը:
«Չեմ կարծում, որ նախագահ Թրամփի եւ Կիմ Չեն Ընի հայտարարությունները այդքան նշանակություն ունեն: Նշանակություն ունեն այդ երկու տերություններրի շահերը: Եթե կողմերի միջեւ բովանդակալից երկխոսության իրական հնարավորություն լինի, ապա պետք է օգտվել այդ հնարավորությունից», - ասել է Գուտերեշը:
