ԱՄՆ նախագահ Դոնալդ Թրամփի շուրջ նախընտրական արշավի ժամանակ առաջացած սեքսուալ սկանդալը, կարծես թե, նոր թափ է ստանում:
Սեռական ոտնձգությունների մասին զանգվածային բացահայտումների լույսի ներքո, որոնք ջրի երես դուրս եկան պրոդյուսեր Հարվի Վայնշտեյնի սկանդալից հետո, Թրամփին կրկին հիշեցրել են իր անցյալի արկածների մասին:
Անցյալ շաբաթվա վերջին մի քանի դեմոկրատ սենատորներ ասել էին, որ Թրամփը պետք է հրաժարական տա` ոտնձգությունների մասին մեղադրանքների հետ կապված:
Իսկ այսօր NBC հեռուստաալիքի «Megyn Kelly Today» հեռուստաալիքի հաղորդման ժամանակ Թրամփի երեք «զոհերը» հերթական անգամ կիսվել են Թրամփի հետ շփվելու իրենց հիշողություններով:
Ջեսիկա Լիդսը վստահեցնում է, որ ինքնաթիռում առաջին դասում թռչելու ժամանակ, Թրամփը իր կողքին էր նստած: Հանկարծ նա բարձրացրել է նստատեղի արմնկակալը, եւ սկսել է «ձեռք տալ եւ համբուրել նրան»:
Սամանթա Հոլվեյը 2006-ին «Միս ԱՄՆ» գեղեցկության մրցույթի մասնակից էր: Նրա խոսքով՝ Թրամփը հանդերձասրահ մտավ այն ժամանակ, երբ մասնակիցները կիսահագնված էին եւ տան տիրոջ պես սկսեց նրանց նայել:
Ռեյչել Կրուկսը պատմել է, որ Թրամփը համբուրել է իր շրթունքները, երբ իրենն գրասենյակում ներկայացրել են:
Նրանք բոլորը Թրամփի սեքսուալ ախորժակի զոհերին կոչ են արել բարձրաձայնել իրենց մասին: Ի դեպ քարոզարշավի ժամանակ նրանք 18-ն էին:
Սպիտակ Տունը այս հայտարարությունները անվանել է «շատ դեպքերում լիովին վիճելի», ավելացնելով, որ այդ կեղծ հայտարարությունների ընտրված ժամանակը եւ անհեթեթությունը խոսում են շատ բաների մասին»: