ՀՀ վարչապետ Կարեն Կարապետյանն այսօր՝ դեկտեմբերի12-ին, այցելել է Հայաստանի Հանրապետության պաշտպանության նախարարություն եւ ծանոթացել ռազմական տեխնիկայի նմուշներին:
Կառավարությունից NEWS.am-ին հայտնում են, որ կառավարության ղեկավարը նախ դիտել է Հայաստանի Հանրապետության ռազմաարդյունաբերական հանձնաժողովի անդամների համար կազմակերպված փակ ցուցադրությունը, ծանոթացել Հայաստանում վերջին երկու տարում ստեղծված կամ զարգացված ռազմական տեխնիկայի ու սպառազինության նմուշներին:
Այնուհետեւ վարչապետ Կարեն Կարապետյանի գլխավորությամբ պաշտպանության նախարարությունում տեղի է ունեցել ՀՀ ռազմաարդյունաբերական հանձնաժողովի նիստը, որի ընթացքում քննարկվել է գիտահետազոտական եւ փորձարարակոնստրուկտորական աշխատանքների 2018 թ. ծրագիրը:
