News
Լրահոս
News
Երեքշաբթի
Մարտ 19
Տեսնել լրահոսը

ԱՄՆ փորձագիտական խումբը ՀՀ -ին կաջակցի հակահրդեհային միջոցառումների պլանավորման եւ մշակման գործում: Դեկտեմբերի 12-ին ՀՀ արտակարգ իրավիճակների նախարար Դավիթ Տոնոյանն ընդունեց ԱՄՆ դեսպանության պաշտպանության համագործակցության գրասենյակի ղեկավար մայոր Դոնալդ Հարփերի եւ ԱՄՆ անտառային ծառայության հրդեհների գնահատման թիմի ղեկավար  Ջենիֆեր Քրոֆթի գլխավորած պատվիրակությանը:

Հայաստանի ԱԻՆ-ից NEWS.am-ին հայտնում են, որ թիմի՝ Հայաստան այցի նպատակն է փորձագիտական աջակցություն ցուցաբերել Խոսրովի եւ Արտավանի անտառներում տեղի ունեցած հրդեհների հետեւանքների վերացման, անտառային հրդեհների կանխարգելիչ աշխատանքների իրականացման  գործում, ինչպես նաեւ՝ ազգային կանխարգելիչ կարողությունների գնահատման եւ զարգացման նպատակով խորհրդատվության տրամադրումը:

Հանդիպման ընթացքում քննարկվեցին փորձագիտական ուսումնասիրության իրականացման մեխանիզմները, ԱԻ նախարար Դ. Տոնոյանը նախանշեց փորձագիտական աշխատանքից ակնկալվող առաջնահերթությունները. մասնավորապես՝ հրդեհային վտանգավոր ժամանակահատվածում անտառային տնտեսությունների մոնիթորինգի մեխանիզմները, կանխարգելման աշխատանքների իրականացման արդիական մեթոդները եւ մեխանիզմները, ինչպես նաեւ՝ հայկական կողմից ամերիկյան լավագույն փորձի ուսումնասիրությունը՝ լեռնային շրջաններում ցամաքային հրդեհաշիջում իրականացնելու գործում:

ԱՄՆ անտառային ծառայության հրդեհների գնահատման թիմի ղեկավար  Ջենիֆեր Քրոֆթն ընդգծեց հրդեհային վտանգավոր ժամանակահատվածում հակահրդեհային կանխարգելիչ միջոցառումների իրականացման կարեւորությունը, ինչպես նաեւ՝ նշեց, որ անտառային հրդեհների դեպքում շատ կարեւոր է ցամաքային եւ օդային հրդեհաշիջման համակցված աշխատանքը:

Հանդիպման ավարտին ամերիկյան կողմի հետ պայմանավորվածություն ձեռքբերվեց անտառային հրդեհների դեմ պայքարի մեխանիզմների եւ մեթոդաբանության մշակման վերաբերյալ:

Նշենք, որ փորձագիտական թիմն այցելել է Արագածոտնի մարզի Աշտարակի հրշեջ-փրկարարական ջոկատ՝ ծանոթանալու ՀՀ ԱԻՆ-ի հրդեհաշիջման կարողություններին, իսկ վաղը՝ դեկտեմբերի 13-ին, ԱՄՆ փորձագիտական թիմն այցելելու է Խոսրովի անտառ՝ տեղում ուսումնասիրություններ իրականացնելու համար:

Տպել
Կարդացեք նաև
Ամբողջը
ՀՀ ԿԸՀ փոխնախագահն ու քարտուղարը դիտարկել են ԱՄՆ նախագահական նախնական ընտրությունները
ԱՄՆ Կալիֆորնիա նահանգի Լոս Անջելես վարչական շրջանի ընտրական մարմնի հրավերով ՀՀ ԿԸՀ փոխնախագահ Նունե Հովհաննիսյանն ու ԿԸՀ քարտուղար Արմեն...
Կարևորում ենք կանանց ներգրավվածությունը հակամարտությունների կանխարգելման բոլոր մակարդակներում. ՀՀ-ում ԱՄՆ դեսպան
Կանանց միջազգային օրվա կապակցությամբ դեսպան Քվինը կլոր-սեղան քննարկման...
ԱՄՆ պետդեպարտամենտը մեկնաբանել է Սերգեյ Լավրովի հայտարարությունը Հայաստանի մասին
Պետդեպարտամենտը մեկնաբանել է Լավրովի հայտարարությունը...
«Փաստ». Փիառային «դեսանտ» Լոս Անջելեսում
Նախատեսվում է, որ այս խումբը պետք է պատրաստի հարցազրույցների շարք, որտեղ, ըստ մեր աղբյուրի...
Վարչապետը 4 օրով 6 հոգանոց պատվիրակություն է գործուղում ԱՄՆ. Այն կգլխավորի էկոնոմիկայի փոխնախարարը
Համաձայն «Կառավարության կառուցվածքի և գործունեության մասին» Հայաստանի…
Լիլիթ Մակունցը սենատոր Ջեք Րիդի հետ քննարկել է ՀՀ-ԱՄՆ հարաբերությունների հետագա խորացմանն ուղղված հնարավոր քայլերը
Սենատորը վերահաստատել է, որ շարունակելու է Հայաստանին աջակցության...
Ամենաշատ