Խո Վան Լանգը հոր հետ միասին, ով Հարավային Վիետնամի բանակի վետերան է, 1971 թվականին փախել է Քուանգ Նգայ նահանգի իր փոքրիկ գյուղից: Կենդանի մնալու համար տղան 40 տարի շարունակ անտառներում է ապրել եւ սնվել առնետներով՝ կարծելով, որ պատերազմը դեռ շարունակվում է, հաղորդում է Life-ը՝ վկայակոչելով Metro-ն:
85-ամյա Խո Վան Թխանը գյուղից փախչելու որոշումը կայացրել է ամերիկյան ռումբի պայթյունի հետեւանքով իր կնոջ եւ երկու քույրերի մահից հետո: Ինչից հետո նա իր որդու հետ թաքնվել է մարդկանցից՝ վախենալով, որ իրենք եւս կարող են սպանվել:
Հայրն ու որդին ծառերի վրա են ապրել, իսկ հագուստի փոխարեն ծառակեղեւից պատրաստված փաթաթաշոր են կրել: Տեղի բնակիչները գտել են նրանց միայն 2013 թվականին: Այժմ նրանք դանդաղորեն հարմարվում են քաղաքակրթությանը եւ ապրում տանը՝ իրենց համար սովորական դարձած ջունգլիներից քիչ հեռու: